Jolaýshy Almaty – Nur-Sultan reısiniń ushaǵynda janjal shyǵardy

/image/2021/05/31/crop-15_7_436x774_photo_363121.jpeg

Almaty – Nur-Sultan reısi ushaǵynda jolaýshy janjal shyǵardy, dep habarlady FlyArystan baspasóz qyzmeti.

Oqıǵa 30 mamyrda bolǵan. Janjaldyń shyǵýyna jolaýshynyń avıakompanıa qyzmetkerleri talabyn oryndamaǵany jáne tasymaldaý erejelerin saqtamaǵany sebep bolǵan. Jolaýshy ashý-yzamen qyzmetkerdi ıterip, bortqa kirgeni anyqtaldy.

"Janjal shyǵarǵan jolaýshyny ushaqtan shyǵarýǵa baılanysty reıs keshikti. Jolaýshyǵa tirkeý kezinde jáne bortqa otyrǵyzý rásimi kezinde júgin tirkemese, reıske jiberilmeıtini týraly eki márte eskertildi. Óıtkeni tasymaldaý erejelerine sáıkes bortqa bir qol júgi bar jolaýshylar ǵana jiberiledi" delingen habarlamada.

Kompanıanyń baspasóz qyzmeti bul oqıǵanyń basqa jolaýshylarǵa qolaısyzdyq týǵyzǵanyn atap ótti.

"Avıakompanıa erejelerin saqtamaǵan jaǵdaıda biz avıasıalyq qaýipsizdik rásimderin ustanýǵa májbúrmiz. Jolaýshyny borttan shyǵarǵan kezde biz áýe kemesi men jolaýshylardy qaıta tekserýge tıispiz" dep atap ótti FlyArystan-nyń baspasóz qyzmeti.

Qatysty tegter :

Pikir qaldyrý

Qatysty Maqalalar