Qytaı seısenbide H10N3 qus tumaýyn juqtyrý boıynsha alǵashqy rastalǵan jaǵdaıdy habarlady.
"Szánsý provınsıasyndaǵy 41 jastaǵy er adamǵa 28 mamyrda joǵary temperatýra jáne basqa belgiler baıqalyp, aýrýhanaǵa túskennen keıin H10N3 qus tumaýy vırýsy dıagnozy qoıyldy" dep habarlady Qytaıdyń ulttyq densaýlyq saqtaý komısıasy.
Qytaı aýrýlardy baqylaý jáne aldyn alý ortalyǵy ótken aptada pasıentten alynǵan qan úlgisinde shtammdy rastaıtyn genom tizbegin júrgizgen. Vırýsty juqtyrǵany anyqtalǵan er adamnyń jaǵdaıy turaqty jáne aýrýhanadan shyǵarýǵa daıyn, dep habarlady Reuters.
Degenmen, qytaılyq medısınalyq ortalyq ınfeksıanyń sebebi týraly egjeı-tegjeıli túsindirmedi.
Pikir qaldyrý