Keıbir memleketterde "terezeden bere qoıǵandaı" qıyn istiń qıýy ózinen-aq kelip turady.  Orystarda "okazatsá v nýjnom meste, v nýjnoe vremá" degen sóz tirkesi bar. Qazaqshalaǵanda kerek ýaqytta kerek jerden tabylý ǵoı. Aıtalyq, Ýkraınany alaıyq.

Basshysy Ýkraına úshin shóptiń basyn syndyrýǵa erinetin adam. Reseı dese eki tizesi qaltyrap, sonyń degenin isteýge beıil. Dál ózindeı Poroshenko qoryqpaı-aq Ýkraına múddesin joǵary qoıyp, tar jol, taıǵaq keshýden alyp shyqty ǵoı sol eldi. Endi bes jylǵa saılanǵanda ol óz elin NATO-ǵa múshelikke engizip, EO-nyń beldi múshesine aınalǵan bolar edi, átteń ýaqyty sál jetpeı qaldy.

Qazirgisi "ne balyq emes, ne et emes" bireý. Al oǵan qandaı shans túsip tur deseńizshi. AQSH-tyń ózi qos-qoldap qoldap, tipti artynan ıtergendeı jetektep, súırelep álek. Sebebi ol Batys koalısıasynyń RF-men shektesetin shekarasynda. bylaısha aıtqanda NATO-nyń shyǵystaǵy forposy. Sondyqtan Ýkraınany AQSH ta, Kanada da, NATO da, basqasy da qoldaýǵa májbúr. Halyqaralyq valúta qory da sál de bolsa ekonomıkalyq sharttaryn oryndasa, qazir-aq Ýkraına ekonomıkasyn modernızasıalaýǵa ázir. Jaqynda AQSH prezıdenti Baıden ekinshi ret telefon shalyp, ony Vashıntonǵa kelip ketýge shaqyrdy. Endi qaıtsin-aı, oǵan qanshama kart-blanshtar berilip jatyr, al ol ony oryndaýdyń ornyna tipti qımyldaıtyn emes. Endi Vashıntonǵa qur qol barmaı, Qolomoıskııdi sottaýǵa júregi daýalamasa da, eń bolmaǵanda Ermakty jumystan ala alsa jaqsy bolar edi. Sebebi onyń Máskeý agenti ekenin FBR birneshe qaıtara dáleldep, Ýkraına basshylyǵynyń kózine shuqyp turyp kórsetken. CNN kanaly onyń qaıta saılaný úshin Trampqa qalaı kómektesý kerektigi týraly suhbatyn Baıdenniń telefon soǵary aldynda bekerge qaıtalap kórsetip jatqan joq.

Mine, Batys tarapynan osyndaı qýatty qoldaýdy barynsha tıimdi paıdalansa, Ýkraınanyń Reseı dıktatynan qutylyp, óz elin órkenıetti elder qataryna qosýǵa tarıhı múmkindigi bar. Negizi mundaı shans bizde de bar. Eki qýatty kórshimiz de Batystyń kóz qyryna qalǵan elder, biraq bizderde bılik aýyspaǵannan keıin Poroshenko sıaqty eshkimmen de salystyra almaısyń. Eger eliniń múddesin birinshi orynǵa qoıatyn jigerli basshy bolǵanda biz de osy tıimdi konúnktýrany paıdalana otyryp birtalaı jetistikterge jetken bolar edik, átteń...

Qýanysh Edilhantegi

Sholýshy