AQSH prezıdenti Djo Baıden Reseı "zıandy árekettermen" aınalysatyn bolsa, "kórnekti jáne aýyr" zardaptarǵa tap bolatynyn eskertti. Baıden bul eskertýdi óziniń alǵashqy sheteldik sapary Ulybrıtanıaǵa barǵanynda aıtty.

Baıden Tramp ákimshiligi kezindegi AQSH odaqtastarymen bolǵan shıelenisken qatynastardy qaıtadan nyǵaıtýǵa nıetti ekenin málimdedi.

Ol Ulybrıtanıa premer-mınıstri Borıs Djonsonmen "Atlantıkalyq hartıaǵa" kelisý úshin kezdesedi.

Osyndaı kelisim 1941 jyly Ýınston Cherchıll men Franklın Rýzvelt arasynda bolǵan. Bul "Klımattyń ózgerýi men qaýipsizdik sıaqty problemalarǵa baǵyttalǵan kelisimniń qazirgi zamanǵy nusqasy bolady" dep sıpattalýda.

BBC-diń saıası redaktory Laýra Kýensbergtiń aıtýynsha, Baıden men Djonson Tramp ákimshiligi kezindegi qaıshylyqtan jáne pandemıanyń qysymynan keıin mańyzdy qarym-qatynasty jańartýdy kózdeıdi.

Baıden segiz kúndik eýropalyq sapar barysynda Vındzor saraıynda Ulybrıtanıa patshaıymymen kezdesedi, G7 kóshbasshylarynyń kezdesýine qatysyp, prezıdent retindegi alǵashqy NATO samıtine qatysady.

Saparynyń sońynda Baıden Reseı prezıdenti Vladımır Pýtınmen Jenevada kezdesedi dep josparlanǵan.