Aýǵanstanda jumys isteıtin reseılik dıplomattar qaýipsizdik maqsatynda Ózbekstanǵa kóshirildi, dep habarlady Reseı syrtqy ister mınıstrliginiń ókili Zamır Kabýlov. Bul týraly Tashkent Times saıty habarlady.
Reseı Federasıasy prezıdentiniń Aýǵanstan boıynsha arnaıy ókili Zamır Kabýlov Aýǵanstandaǵy jaǵdaıdyń alańdaýshylyq týǵyzatynyn aıtty.
– Biz boljaǵan dúnıeler oryndalyp jatyr, – dedi Kabýlov.
Buǵan deıin Reseı Syrtqy ister mınıstrliginiń resmı ókili Marıa Zaharova Reseı Aýǵanstandaǵy beıbitshilikti retteý týraly máskeýlik formatta kezdesý ótkizý múmkindigine suranys bolsa, aýǵan taraptary arasynda dıalog alańyn usynýǵa daıyn ekenin málimdedi.
Aýǵanstandaǵy qaýipsizdik jaǵdaıy osy jyldyń sáýir aıynda AQSH áskerleri elden shyǵa bastaǵannan keıin aıtarlyqtaı nasharlaǵan. Aýǵanstan AQSH-tan bólek NATO-nyń quramyndaǵy ózge elder de shyǵyp jatyr.
