Qazgıdromet eldiń birqatar óńirinde aýa raıyna baılanysty eskertý jarıalady.

Qyzylorda oblysynda 21 shildede kúndiz soltústikten jel soǵady, jel kúshi keı jerlerde 15-20 m/s jetedi dep kútiledi. Óte joǵary órt qaýpi saqtalady.

21-23 shildede Jambyl oblysynyń taýly jáne taý bókterli aýdandarynda kúndiz naızaǵaı, burshaq, shańdy daýyl kútiledi. 21-23 shildede ońtústik-batystan jel soǵady, keı jerlerde jel jyldamdyǵy 15-20 m/s bolady dep kútiledi. 22-23 shildede kúndiz oblystyń basym bóliginde 40 gradýsqa deıin qatty ystyq, tótenshe órt qaýpi bar.

Mańǵystaý oblysynyń keı jerlerinde naızaǵaı, shańdy daýyl bolýy múmkin. Soltústik-batystan jel soǵady, kúshi keı jerlerde 15-20 m/s bolady dep kútiledi.

Aqtóbe oblysynda 21 shildede kúndiz keı jerlerde naızaǵaı soǵýy  yqtımal. Jeldiń baǵyty ońtústik-shyǵystan soltústik-batysqa aýysady.

Batys Qazaqstan oblysynyń keı jerlerinde naızaǵaı kútiledi. Kúndiz 41 gradýs ystyq saqtalady. Keı jerlerde óte joǵary órt qaýpi saqtalady. 

Shyǵys Qazaqstan oblysynyń keı jerlerinde 21 shildede naızaǵaı kútiledi. Kúndiz keı jerlerde daýyl, burshaq jaýýy múmkin. Jel soltústik-shyǵystan soǵady, kúshi keı jerlerde 15-20 m/s deıin jetýi yqtımal.

Túrkistan oblysynyń taýlarynda naızaǵaı oınaýy yqtımal. Keı jerlerde shańdy daýyl turýy múmkin. Ońtústik-batystan jel soǵady, keı jerlerde kúshi 15-20 m/s deıin jetetin jel turýy múmkin. Keı jerlerde tótenshe órt qaýipi saqtalady.

Qostanaı oblysynda ońtústikte 36 gradýsqa deıin qatty ystyq kútiledi. Oblystyń ońtústiginde tótenshe órt qaýpi saqtalady.