Álemniń kóptegen elderinde musylmandar Qurban aıt merekesin karantındik sharalarǵa sáıkes atap ótýde.

Germanıada turatyn musylmandar Qurban aıt namazyn oqý úshin el astanasy Berlındegi Mevlana men Sheıit meshitterine aǵyldy.

Meshittegi musylmandar aıt namazyna maska taǵyp, araqashyqtyq saqtap turady.

Reseı Federasıasy musylmandary dinı basqarmasynyń jáne múftıler keńesiniń prezıdenti Ravıl Gaınýtdın musylmandardy Qurban aıt merekesimen quttyqtady.

Keıin dinı qyzmetkerlerden turatyn jamaǵat aıt namazyn epıdemıalyq erejelerge sáıkes oqydy. Qurban aıt namazy men ýaǵyz onlaın rejımde tikeleı efırde kórsetildi.

Reseıde Covid-19 epıdemıasynyń ýshyǵýyna baılanysty bılik musylmandarǵa merekeni úıde qarsy alýǵa keńes berdi.

Ázerbaıjan. Bakýde aıt namazyn eń úlken meshitterdiń biri Edjder-Beı meshitinde oqydy. Meshitke kelgen adamdar maska kıip, áleýmettik araqashyqtyqty saqtady.

Namazdan keıin eldiń tynyshtyǵy men órkendeýi úshin ıslam álemindegi qıyndyqtardyń aıaqtalýyna duǵalar oqylyp Qarabah soǵysynyń sheıitteri de umytylmady.

Aýǵanstan. Kún saıyn adam ólimi tirkeletin Aýǵanstanda aıt namazy úshin halyq meshitterge jáne el astanasy Kabýlǵa aǵyldy. 

Aýǵan halqy aıt namazynan keıin qurbandyqqa shalynatyn mal soıýdy  bastap ketti.