Aqtaýdaǵy sottalǵandarǵa arnalǵan jataqhananyń qulaýynan 11 sottalýshy zardap shegip, onyń 3-eýi qaıtys boldy. 

"Búginde olardyń tórteýi medısınalyq tekserýden keıin mekemege qaıtaryldy jáne olardyń jaǵdaıy jaqsy. Qazirgi tańda, kóz jumǵan sottalǵandardyń jaqyn týystarymen baılanys ornatylyp, qajetti kómek kórsetilip jatyr. Zardap shekkenderdiń bireýi aýyr hálde, úsheýi ortasha deńgeıde túrli jaraqat alǵan" delingen İİM Qylmystyq-atqarý júıesi komıtetiniń baspasóz qyzmeti taratqan habarlamada.

Qazir atalǵan is boıynsha Mańǵystaý oblysynyń polısıa departamenti qylmystyq kodekstiń 278-baby 3-tarmaǵy (abaısyzda eki nemese odan da kóp adamnyń ólimine ákep soqqan is-áreket) boıynsha sotqa deıingi tergeýdi bastady.

19 shilde shamamen saǵat 16:00-de Mańǵystaý oblysynda GM-172/6 mekemesine qarasty sottalǵandarǵa arnalǵan eki qabatty jataqhana qulaǵan.