Ankara men Baký birlesken túrik armıasyn qurý máselesin talqylap jatyr, dep habarlady Sputnik Azerbaijan.

Túrkıa ulttyq májilisiniń tóraǵasy Mustafa Shentoptyń aıtýynsha, eki el ekonomıkalyq qatynastaryn nyǵaıtýǵa arnalǵan erkin saýda kelisimi boıynsha jumys isteýmen qatar áskerı jattyǵýlar ótkizip jatyr.

– Áskerı yntymaqtastyq salasynda birlesken is-sharalar josparlanǵan. Osy kelisimder boıynsha jumys jalǵasýda. Bizdiń basty uranymyz – bir ult jáne eki memleket. Osyǵan baılanysty kóptegen kelissózder men kelisimder júrgizildi, – dedi ol.

Seısenbi kúni Bakýde Ázerbaıjan, Túrkıa jáne Pákistan parlamentteri spıkerleri Sahıba Gafarova, Mustafa Shentop jáne Asad Kaızerdiń alǵashqy úshjaqty kezdesýi ótti. Nátıjesinde olar yntymaqtastyqty damytýǵa jáne jahandyq, aımaqtyq máseleler boıynsha birlesken jumystarǵa baǵyttalǵan Baký deklarasıasyna qol qoıdy.