Bilim jáne ǵylym mınıstrligi bıylǵy oqý jylynyń formaty týralyna baılanysty tarap jatqan aqparatqa túsinikteme berdi.

"Áleýmettik jelilerde qazaqstandyqtar jańa oqý jylynyń birinshi toqsanynda qashyqtan bilim alady eken, bul týraly Bilim jáne ǵylym mınıstri Asqat Aımaǵambetov brıfıńte málimdedi degen jalǵan aqparat tarap jatyr.  Asqat Aımaǵambetov brıfıńterde mundaı málimdeme jasaǵan joq.

Oqytý formaty týraly sheshimdi koronavırýstyq ınfeksıanyń paıda bolýy men taralýyna jol bermeý jónindegi vedomstvoaralyq komısıa, eldiń bas memlekettik sanıtarlyq dárigeri jáne óńirlerdiń bas sanıtarlyq dárigerleri qabyldaıdy" delingen mınıstrlik taratqan habarlamada.

Áleýmettik jelide 1-11-synyp oqýshylary jańa oqý jylynyń birinshi toqsanynda qashyqtan bilim alatyny týraly aqparat taraǵan.

Buǵan deıin prezıdent Qasym-Jomart Toqaev oqýshylar men stýdentterdi dástúrli formatta oqytýǵa daıyndyqty qamtamasyz etýdi tapsyrǵan bolatyn.