Halyqaralyq olımpıada komıteti (HOK) Belarýs sportshynyń isi týraly  resmı tergeý bastady.

HOK ókili Mark Adams "Bizge ýaqyt kerek. Tolyq faktilerdi anyqtaýymyz kerek. Biz eń bastysy sportshy úshin alańdaımyz" dedi.

24 jastaǵy Krıstına Tımanovskaıaǵa Polsha gýmanıtarlyq vıza bergen. Qazir ol Polshanyń Tokıodaǵy elshiliginde.

"Ol sársenbide Japonıadan ketýi múmkin" deıdi onyń jaqtastary.

Buǵan deıin Tokıo olımpıadasyna qatysqan Krıstına Tımanovskaıa jattyqtyrýshylardy jáne belarýs bıligin synǵa alǵany úshin májbúrli túrde Tokıo áýejaıyna jetkizilgen. Belarýs sportshysy eline qaıtsa, ómirine qaýip tónetinin málimdep, Tokıonyń Haneda termınalynda polıseılerden qorǵaýdy suraǵan. Jergilikti polısıa qyzmeti Tımanovskaıany Haneda áýejaıyndaǵy qonaqúıge ornalastyrǵan.

Sportshyǵa Chehıa men Polsha vıza usynǵan.