Qazaqstan Taıaý Shyǵystan keletin bosqyndardy qabyldaýǵa daıyn deıdi vıse mınıstr.
Eger sonshama keńpeıil, júrekteri ashyq bolsa, eń aldymen ózimizdiń qazaq qandastarymyzdy nege elge qaıtarýdy qolǵa almaıdy? Olardy elge keltirýge qolaıly jaǵdaı nege jasamaıdy? "Kelse kelsin, biraq óz aqshasymen kelýi tıis" dep qandastarymyzǵa kelgende qytymyrlyq tanytady da, úsh qaınasa sorpasy qosylmaıtyn bosqyndarǵa janashyr bola qalýyn bulardyń!
Árıne, bosqyndarǵa janymyz ashıdy. Biraq, Eýropaǵa aǵylyp jatqandardyń ishinde baıqasańyz, egde adamdar, qarıalar, bala shaǵa emes, tepse temir úzetin jas jigitter men áıelder kóp. Otanyn qorǵaǵysy kelmeıdi, eldiń erteńin oılamaıdy, qoldaryna qarý alyp halyqtyń shyrqyn buzǵan lańkesterdi qýǵysy kelmeıdi de, jaıly jumsaq jerge baryp tynysh ómir súrgisi keledi. Al solarǵa endi biz kómektesýimiz kerek eken? 
Óz halqymyzdy jetistirip alaıyqshy áýeli.

Janbolat Mamaı, Facebook paraqshasynan alyndy