Qatal naryq zańy jaıbaraqat, tańǵy asyn táńirinen kútken qazaqtyń qazirgi eń qıyn máselesi turmys-tirshilik qamy, bala-shaǵany asyraý, oqytý etip qoıdy. Jalǵan atqaminerlerdiń ońtaıyna kelip-aq tur. Bolmashy jalaqy basyna tartsa aıaǵyna jetpeı jatqanyna qaramastan, otyz eldiń elesi qol bulǵaıdy. Áleýmettik ózara qarym-qatynastan memlekettik apparat deńgeıine deıin ótirik jaılap bara jatqan qazaq qoǵamynyń aldynda dál qazir ultty, qazaq ultyn ótirikten qutqarý máselesi tur. Qazaq ótiriginiń quny – qazaq qoǵamynyń taǵdyry, bolashaǵy! Ony saqtap qalý – qazaq qaýymynyń rýhanı tazarýyna, jańǵyrýyna tikeleı baılanysty.
Dına Imambaı,áleýmettanýshy
«Aqıqat» jýrnalynyń saıtynan alyndy
