Belarýstiń eki jattyqtyrýshysy "sportshyny Tokıodaǵy oıyndardan ketýge májbúrledi" degen aıyppen olımpıadalyq akredıtasıadan aıyryldy.

Halyqaralyq Olımpıada komıteti (HOK) Artýr Shımak pen Iýrıı Maıevıchtiń Olımpıada aýylynan ketkenin rastady. Qazir tergeý júrgizilýde.

Belarýs sportshysy Krıstına Tımanovskaıa búkil álemniń nazaryn aýdardy. Ol Belarýs sheneýnikterin synǵa alǵan soń, áýejaıǵa májbúrli túrde aparylǵanyn aıtady. Áýejaıda ol japon polısıasynyń qorǵaýyna alyndy.

Sportshy qazir Polshada. Oǵan gýmanıtarlyq vıza berildi.

Belarýs bıligi onyń emosıonaldy jaǵdaıyna baılanysty ulttyq quramadan shyǵarylǵanyn málimdedi. Biraq 24 jastaǵy qyz bul shyndyqqa janaspaıtynyn aıtady. Ol Instagram-da "jattyqtyrýshylarynyń nemquraılylyǵy" týraly aıtqandyqtan ulttyq quramadan shyǵarylǵanyn jetkizdi.

HOK málimdemesinde eki jattyqtyrýshynyń akredıtasıasyn alyp tastaý "ýaqytsha shara" ekenin, "áli de Tokıoda júrgen Belarýs Ulttyq Olımpıadalyq Komıteti sportshylarynyń amandyǵy úshin" istelip jatqanyn jarıalady.