«Qazaq handyǵynyń 550 jyldyǵy» aıasynda qazaqtyń dańqty qolbasshylarynyń biri, 12 rýly Kereıdiń sherýshi rýynyń urany bolǵan Baıtaılaq batyrdy eske alýǵa arnalǵan kólemdi shara ótpek.
27 qyrkúıekte Shyǵys Qazaqstan obylysy Jarma aýdany Qalba taýy baýraıynda batyrdyń kesenesi ornatylyp, as berilip, quran oqytylady. 29 qyrkúıek kúni Astanada Baıtaılaq batyrǵa arnalǵan ǵylymı-praktıkalyq konferensıa ótedi jáne shetelden kelgen qazaq ónerpazdarynyń qatysýymen kólemdi konsert ótedi dep josparlanýda.
Sondaı-aq, osyndaı sharalar Almaty qalasynda da jalǵasyn tabatyn bolady. Qytaıda turatyn belgili ǵalym, qoǵam qaıratkeri Qadys Janábilulynyń bastamasymen ótkeli otyrǵan eske alý sharalary Qytaıdan jáne Mońǵolıadan kelgen belsendi qazaq azamattarynyń kúshimen atqarylmaq.
«Batyr babamyz Baıtaılaq qazaq halqynyń Jońǵar shapqynshylyǵyna qarsy ult azattyq kúreste erekshe erlik kórsetip, aty ańyzǵa aınalǵan esimi tutas bir rýly eldiń urany bolǵan aıtýly tulǵa. Sherýshi rýy negizinen Qytaı men Mońǵolıa jerin mekendep qalǵandyqtan Baıtaılaq batyr týraly tarıhı málimetter Qazaqstanda kóp taralmaǵan. Ádette onyń erligi Qabanbaı, Bógenbaı, Jánibek, Naýryzbaı sekildi batyrlarmen birge atalady. Babamyzdyń erligin QR Bilim jáne ǵylym mınıstrligi ǵylym komıtetine qarasty Sh.Ýálıhanov atyndaǵy tarıh jáne etnologıa ınstıtýty resmı tanyp otyr. Er Jánibek ómirden óter shaǵynda ózin aǵasynyń qasyna jerleýdi amanat etken eken. Baıtaılaq pen er Jánibek aǵaly-baýyrly ǵana emes, tulpar minip, tý ustaǵan úzeńgiles batyr, eli, jeri úshin qan maıdanda erligimen tanylǵan dara tulǵalar bolǵan. Búginde Qalba taýynyń baýraıynda Baıtaılaq qorymy dep atalatyn jer ataýy da saqtalǵan. Sol úshin de Qazaq handyǵynyń 550 jyldyǵy qarsańynda batyr babamyzdy ulyqtaý maqsatynda naqty sharalar ótkizý josparlap otyrmyz. Jekelegen belsendi azamattardyń uıymdastyrýmen ótetin eske alý sharalarynyń naqty baǵdarlamasy negizinen daıyn. Batyrdyń zıratyna keseneni Dildáhan Dálel esimdi azamat óz qarajatymen ornatqaly otyr», – deıdi uıymdastyrýshylar alqasynyń múshesi Amantaı Álhanuly.
26 qyrkúıek Astanadan attaný
27 qyrkúıek - Shyǵys Qazaqstan obylysy Jarma aýdany Qalba taýy baýraıynda batyrdyń kesenesiniń ashylý rásimine bolady.
28-Astanaǵa qaıtyp kelý.
Búrkit Nurasyl
