Pavlodar oblysynda jol sapasynyń nashar bolýyna baılanysty 21 aýyl ákimi jaýapqa tartylady. Bul týraly Pavlodarnews.kz. saıty habarlady. 

– Pavlodar oblysynda avtomobıl joldarynyń jalpy uzyndyǵy 5 441,1 shaqyrym. Jyl basynan beri avtojoldarǵa 890 zertteý júrgizildi, 2 027 aqaý anyqtaldy. 140 laýazymdy jáne zańdy tulǵa ákimshilik jaýapkershilikke tartyldy. Onyń ishinde 21 aýyl jáne aýyldyq okrýg ákimi jazalandy, – dedi ákimshilik polısıa basqarmasynyń bastyǵy Nurjan Tańatarov.

21 ákimniń 18-i ákimshilik quqyqbuzýshylyq týraly zańnyń 630, 631 jáne 632-baptary (jol, jerasty komýnıkasıalardy qaraý qudyqtaryn kútip-ustaý jónindegi talapardy oryndamaý) boıynsha, al 3 ákim ákimshilik quqyqbuzýshylyq týraly zańnyń 420-baby (jabaıy sorany joıýǵa shara qoldanbaý) boıynsha jaýapkershilikke tartylǵan.

Olarǵa jalpy somasy 4 mıllıon teńgeden astam aıyppul salyndy.