Japonıanyń ońtústik-batysynda nóser saldarynan úsh mıllıonǵa jýyq adam evakýasıalandy. Bul týraly NHK telearnasy málimdedi.
Aımaqta birneshe kún tolassyz jaýǵan jaýyn-shashyn tasqynǵa ulasqan. Keı jerlerde laı kóshkini bastalǵan.
Beıresmı aqparattarǵa sáıkes, tabıǵat apatynan 4 adam qaıtys bolǵan. Taǵy birneshe turǵynnyń taǵdyry beımálim.
Jergilikti bılik apatty dep tanylǵan aımaqtardan 3 mln turǵyndy evakýasıalaý týraly sheshim qabyldaǵan. Mamandar halyqty barynsha saq bolýǵa shaqyryp otyr. Qazir aımaqta qaýiptiliktiń joǵarǵy deńgeıi jarıalandy. Apattan zardap shekkender úshin arnaıy ortalyq ashyldy.
Pikir qaldyrý