Aýǵanstan prezıdenti Ashraf Ǵanı tálipter el astanasy Kabýlǵa kirgennen keıin elden qashyp ketti. Bul týraly Reuters aqparat agenttigi habarlady.

2014 jyldan beri el prezıdenti bolǵan Ǵanı keshe áleýmettik jelilerde prezıdent retinde óz otanyn Talıbannan qorǵaýdy jalǵastyratynyn málimdegen bolatyn.

Aýǵanstan ulttyq tatýlasý joǵarǵy keńesiniń prezıdenti Abdýlla Abdýllah áleýmettik jelidegi akkaýntynda vıdeo arqyly el prezıdenti Ǵanıdiń elden ketkenin rastady. 

– Ol Aýǵanstannan qıyn ýaqytta ketti. Alla ony jaýapqa tartady, – dedi ol.

Tálipterdiń eldegi ústemdigi

AQSH pen tálipter 2020 jyly beıbit kelisimge kelgen. Oǵan saı halyqaralyq kúshter Aýǵanstannan shyǵýǵa tıis bolǵan. Proses bıyl bastaldy.

Kelisim sheteldik kúshterge shabýyl jasamaýdy kózdeıdi, biraq tálipterdiń Aýǵanstan qaýipsizdik kúshterine qarsy áreketine qatysty eshqandaı ereje engizbegen.

Tálipter Aýǵanstandy qalaı basyp aldy?

Dohadaǵy Aýǵanstan úkimetimen kelissózderdi jalǵastyra otyryp, tálipter  maýsymnan beri Aýǵanstannyń kóptegen aýdandary men provınsıalarynyń ortalyqtaryn basyp aldy.

El astanasy Kabýldy qorshap alǵannan keıin olar  úkimetke ákimshilik pen astanany beıbit jolmen berýge shaqyrdy.