Bilim jáne ǵylym mınıstri Asqat Aımaǵambetov bıylǵy oqý jylynda engiziletin ózgeristerdi aıtty.

– Kelesi oqý jylynan bastap "Altyn belgige" talaptar kúsheıtiledi. Biz muny jyl saıyn kezeń-kezeńmen ózgertip jatyrmyz. Ótken jyly biraz ózgerister engizdik. Bıyl ekinshi kezeń. Ekinshi kezeń degenimiz – jyldyq bes baǵamen qatar úmitkerlerdiń 11-synyptaǵy barlyq toqsandyq baǵalary da bes bolýy kerek degen qaǵıda engiziledi. Bul – óte mańyzdy qaǵıda. Túlekter úshin emtıhandy táýelsiz uıym ótkizetin bolady. Bul reforma oń nátıjesin beredi dep senemin, – dedi ol.

Aımaǵambetov pedagogterge arnalǵan respýblıkalyq tamyz konferensıasynda balalardyń qaýipsizdigi mańyzdy ekenin, barlyq óńirlerde mektepter beınebaqylaý júıesimen qamtylǵanyn atap ótti.

– Mektepterdiń bári 100 paıyz beınebaqylaý júıesimen qamtylǵan. Biraq olardyń 55 paıyzy standart talaptaryna saı keledi. Mektepterdiń 98,8 paıyzy jyly ájethanalarmen qamtamasyz etilgen. Osy jyldyń sońyna deıin ózimiz keliskendeı barlyq óńirler osy kórsetkishti 100 paıyzǵa deıin jetkizýi tıis. Bul boıynsha úlken jumys jasaldy. Jalpy bir-bir jarym jyl ishinde 2,5 myń jyly dárethana jasalady, – dedi mınıstr.