Sońǵy kúnderi Aýǵanstan astanasy Kabýldaǵy áýejaıda aýyr jaǵdaı bolyp jatyr. Júzdegen adam Aýǵanstandaǵy Talıban bıliginen qashý úshin áýejaıǵa jaqyn alańǵa aǵylýda.

Brıtanıalyq Sky News telearnasy amerıkalyq aǵa ofıserdiń Kabýldaǵy júrek shymyrlatatyn kórinisterdi sýrettegenin habarlady.

– Óte qorqynyshty. Áıelder sábılerin tikenek sym temirlerdiń ústinen laqtyryp, sarbazdardan sábılerdi alyp ketýlerin surady. Balalardyń keıbiri sym temirlerge ilinip qaldy, – deıdi ofıser.

"Men kúıeýim úshin ýaıymdaımyn... bárimiz keshe túnde jyladyq" deıdi ózin Fatıma dep tanystyrǵan aýǵan áıeli. Áıelden qaıda baratynyn suraǵanda "Kez kelgen jerge! Kez kelgen elge" dep jaýap bergen.

Talıban kúshteri qarý, qamshy jáne taıaqty qoldanyp, áýejaıǵa qashqan aýǵandardy toqtatýǵa tyrysyp jatyr. Saldyrynan keıbir reıster jartylaı bos qalǵany habarlandy .