Bilim jáne ǵylym mınıstrligine qarasty memlekettik joǵarǵy oqý oryndary muǵalimderiniń shekti jalaqysy bekitildi. Bul týraly bilim jáne ǵylym mınıstri Asqat Aımaǵambetov habarlady.

– Jaı oqytýshylar – 200 myń, aǵa oqytýshylar  – 230 myń, profesorlar – 350 myń alady. Osylaısha shekti jalaqy mólsherin belgilep qoıdyq, – dedi mınıstr.

Sondaı-aq ol mektep dırektorlarynyń jalaqysy júktemege qaraı belgilenetinin atap ótti.

– Qazirgi ýaqytta mektep basshylarynyń jalaqysyna qatysty másele kóp taqylanyp jatyr. Biz ol jaıly bilemiz. Qazirgi eńbekaqy deńgeıinde básekege qabiletti menedjerler basshylyq qyzmetke barýǵa qyzyqpaı otyr. Jalpy jaqsy pedagogter oqý isiniń meńgerýshisi, mektep dırektory bolýǵa umtylmaıdy. Biz odan habardarmyz. Sondyqtan bul másele ózgeris engizýdi qajet etedi. Bilim jáne ǵylym mınıstrligi mektep dırektorlaryna eńbekaqy tóleý júıesine, sonyń ishinde ártúrli uıymdar boıynsha jalaqyny saralaýǵa ózgeris engizýdi qarastyryp jatyr. Bul 40 bala oqıtyn mektep dırektory men baqylaýynda 1200-2000 oqýshy bar mektep basshylaryna birdeı jalaqy tóleýge qatysty. Munda júkteme ár túrli ekeni anyq kórinip tur. Biz bul jaıly aıttyq jáne mınıstrlik sáıkes sheshim daıyndap jatyr, – dedi mınıstr tamyz konferensıasynda sóılegen sózinde.