Syrtqy ister mınıstrligi Qazaqstan Aýǵanstandaǵy jaǵdaıdyń damý barysyn muqıat qadaǵalap otyrǵann habarlady.

"Atalǵan eldiń tarıhynda taǵy bir sheshýshi sát kele jatyr. Kópjyldyq janjaldy aýǵan halqy ózi sheshýi kerek. Qazaqstan barlyq taraptardy ishki turaqtandyrýdyń basty alǵysharty retinde bıliktiń beıbit tranzıtin qamtamasyz etýge shaqyrady. Biz BUU Qaýipsizdik Keńesiniń ınklúzıvti jáne ókildik úkimet qurý, ulttyq azshylyqtar men áıelderdiń quqyqtaryn qurmetteý, basqa memleketterge qaýip tóndiretin toptardyń bolýyna jol bermeý, halyqaralyq quqyqty saqtaý týraly málimdemesin qoldaımyz. Osy erejelerdi oryndaý Aýǵanstannyń jańa bıligimen dıalogty bastaý úshin qajetti shart bolýy tıis" delingen mınıstrlik habarlamasynda.

Talıban qozǵalysy Aýǵanstandaǵy bılikti qolǵa alǵannan keıin elde beıbereket bastaldy. Azamattardyń birazy elden ketýge tyryssa, elde qalǵandar úreımen kúneltip júr. Ásirese, áıelder quqyǵyna baılanysty alańdaýshylyq basym. Aýǵanstandaǵy áıelder men áıelder quqyǵy jónindegi sarapshylar tálip bıligi qyz-kelinshekterge parandja kıgizip, bilim alýǵa, jumys isteýge shekteý qoıýy múmkin dep qaýiptenedi.