Jaqynda Pavlodar qalalyq máslıhatynyń depýtaty Petr Vyrvınskıı mas kúıinde kólik júrgizgendigi málim boldy. Bul týraly «Qamshy» portaly Tengrinews.kz-ke silteme jasaı otyryp habarlaıdy. Bul týraly Pavlodar qalalyq ákimshilik soty jetkizgen.

Sot ókilderiniń málimetinshe, er adam qalanyń ortalyq kósheleriniń birinde toqtatylǵan. Mas kúıinde kólik júrgizgeni úshin halyq qalaýlysyna qatysty ákimshilik hattama toltyrylǵan. Depýtat Vyrvınskııdiń qan quramynda alkogóldiń bar ekendigi medısınalyq kýálandyrý arqyly rastaldy. "Sottyń qaýlysyna sáıkes, Petr Vyrvınskıı "Kólik quralyn mas kúıinde júrgizý" baby boıynsha quqyqbuzýshylyqty jasady dep tanylyp, kólik júrgizý kýáliginen úsh jyl merzimge aıyryldy", - delingen Pavlodardyń ákimshilik sotyndaǵylar.

Aıta keteıik, 53 jastaǵy depýtat azamattardyń quqyǵy men zańdylyǵyn saqtaý boıynsha qalalyq máslıhattyń komısıasyna múshe bolǵan.

«Qamshy» silteıdi