Aýǵanstannyń astanasy Kabýlda Hamıd Karzaı halyqaralyq áýejaıy ornalasqan aımaqta jarylys boldy. Bul týraly Reuters aqparat agenttigi habarlady.

AQSH  qorǵanys mınıstrliginiń baspasóz hatshysy Djon Kırbı Kabýl áýejaıy mańynda jarylys bolǵanyn rastady. Qatarynan bolǵan jarylystan qaza tapqandar 60-qa, jaralaǵandar sany 140-qa jetti. Onyń 13-i amerıkalyq sarbazdar.

– Kabýl áýejaıy tusynda jarylys boldy. Jańa aqparattar bolsa habarlap otyramyz, – dedi  Djon Kırbı.

Kýágerlerdiń sózinshe, jarylysqa bir jankeshti sebep bolǵan. Sonymen qatar Kabýldan kóterilgen Italıanyń áskerı ushaǵyna oq atylǵan.

Ushaqqa shamamen 100 aýǵandy alyp kóterilgende birneshe mınýttan keıin oq atylǵan. Úkimet oq atyp, áýejaıdaǵy qalyń adamdy taratpaq bolǵan.

Talıban qozǵalysy Aýǵanstandy basyp alǵannan keıin bastalǵan haos jalǵasyp jatyr. Tálipter eldi basyp alǵaly Kabýlda qatarynan 6 jarylys boldy.