EAEO aıasyndaǵy memleketterde azyq-túlik jáne taýar baǵasy byltyrǵy jylmen salystyrǵanda 15,4 paıyzǵa ósken. Bul týraly «Qamshy» portaly matritca.kz-ke silteme jasaı otyryp habarlaıdy.
Bul týraly Eýrazıalyq ekonomıkalyq komısıanyń statısıka departamenti málimdegen.
Aıta keteıik, EAEO elderi ishinde eń joǵarǵy azyq-túlik baǵasy Reseı Federasıasynda tirkelgen. Munda, kúndelikti tutynatyn taýarlar baǵasy 18,1%-ǵa qymbattaǵan. Sondaı-aq, Belorýsıada 8,4%-dyq ósim baıqalsa, Qazaqstanda byltyrǵy jylmen salystyrǵanda bul kórsetkish 3,5%-ǵa artqan. Al, Armenıa men Qyrǵyzstanda tıisinshe 2,9% jáne 2,5%-ǵa ósken.
Sonymen qatar, EAEO elderinde jyljymaıtyn múlik baǵasy – 13,1%-ǵa ósken. Al qyzmet túrleri – 13,2%-dy qurap otyr.
