Qazaqstandaǵy oqýlyqtardaǵy «Qyrymnyń Reseı terıtorıasy» dep kórsetilýine qatysty QR BǴM túsinikteme bergen. Onda aıtylǵandaı, Qyrymnyń Reseı quramynda kórsetilýine qatysty aqparattar arnaıy saraptamadan ótkizilgen. Bul týraly QR BǴM baspasóz hatshysy Álibek Shoqparov «Govarıt Moskva» radıosyna suhbat bergen, dep habarlaıdy «Qamshy» portaly.

«Qazaqstandaǵy jalpy bilim berý mekemelerine ázirlenetin oqýlyqtar arnaıy saraptamadan, komısıadan ótkiziledi. Atalmysh oqýlyqtar da tıisinshe, osyndaı komısıanyń qaraýynan ótken bolatyn. Bul komısıa memlekettik bilim berý standarttaryna  sáıkestendirildi, arnaıy qujattary da bar. QR BǴM tarapynan bekitilgen»,-deıdi Shoqparov myrza.

Onyń aıtýynsha, bilim jáne ǵylym salasyndaǵy arnaıy komıtet baqylaý jumystaryn júrgizýde. Olar arnaıy oqý-ádistemelik saraptama júrgizýde. Saraptama qorytyndysy keıinirek jarıalanatyn bolady.

Aıta keteıik, osynyń aldynda «Mektep» baspasynan shyǵatyn oqýlyqtarda Qyrymnyń Reseı terıtorıasyna qosylǵany týraly jazylǵan derekterge qatysty pikir ár-alýandylyǵy týǵan bolatyn. Osyǵan oraı Ýkraına Úkimeti resmı túrde Qazaqstannyń SİM men QR BǴM-ǵa narazylyq notasyn joldaǵan bolatyn. Onda Kıev bıligi qazaqstandyq mektepterdegi oqýlyqtardy qaıta jazýdy talap etken.