Aýǵanstan astanasy Kabýldyń soltústik-shyǵysynda ornalasqan Pandjshır provınsıasy men tálipter arasyndaǵy qaqtyǵys jalǵasyp jatyr. Bul týraly Bı-bı-sı aqparat agenttigi habarlady.

Aýǵanstandaǵy Pandjsher provınsıasy úshin shaıqasyp jatqan ulttyq qarsylyq kúshteri 4 kúnniń ishinde "Talıban" qozǵalysynyń 350 ókilin joıǵanyn habarlady. Tálipterdiń 300-ge jýyǵy jaralanyp, taǵy 35-i qamaýǵa alynǵan.

Pandjsher Aýǵanstandaǵy tálipterdiń baqylaýyna ótpegen jalǵyz provınsıa. Sondyqtan "Talıban" qozǵalysynyń ókilderi óńirdi qorshaýǵa alǵan. Buǵan deıin olar aımaq jetekishlerin óz erkimen berilýge úgittemek bolǵan. Alaıda odan nátıje shyqpady.

– Kelissózder sátsiz aıaqtaldy, sebebi eki jaqtyń ustanymy múlde ekitúrli bolyp shyqty, – dedi ulttyq qarsylasý maıdanynyń ókili Fahım Dashtı.