Prezıdent Qasym-Jomart Toqaev Shyǵys ekonomıkalyq forýmynyń plenarlyq otyrysynda, Aýǵanstannan keletin qaýip pen qater týraly aıtty.

– Meniń oıymsha, bul elden qaýip pen qaterdiń keletini anyq. Amerıka ketkennen keıin ol elde quny 85 mıllıard dollardan asatyn eń zamanaýı qarý-jaraq qaldy. Bosqyndardyń seıilý qaýpi bar, – dedi Toqaev.

Onyń sózinshe, mundaı "názik" máselede Qazaqstan Reseı men ujymdyq qaýipsizdik kelisimi uıymyna múshe eldermen birdeı pikirde.

– Aýǵanstan burynǵydaı bolmaıtyny anyq. Elge jańa júıe endi. Bul júıeniń uzaqqa baratyny da  anyq. Talipter  barlyq memleketpen dostyq qarym-qatynasty kózdeıtinderin aıtty. Dese de biz saq bolýymyz qajet. Jaqyn kúnderi bizdiń eldi panalyǵysy keletin bosqyndar kóbeıýi múmkin. Bul bizge úlken qaýip tóndirý múmkin, –  dedi ol. 

15 tamyzda Talıban uıymy Kabýlǵa kirip, Aýǵanstanda ústemdigin ornatqan. Eldegi jaǵdaı AQSH áskerı qyzmetshileri shyǵaryla bastaǵannan keıin shıelenise tústi.