"Taıvan óziniń qorǵanys aımaǵyna Qytaı soǵys ushaqtarynyń iri shabýyly bolǵanyn aıtty" dep habarlady BBC.

Taıvan qorǵanys mınıstrligi 19 soǵys ushaqtyń Taıpeıdiń áýe qorǵanysyn sáıkestendirý aımaǵyna kirgenin habarlady. Olardyń ishinde joıǵyshtar men ıadrolyq bombalaýshylar bar ekenin málimdedi.

Taıpeı bir jyldan astam ýaqyt boıy Qytaı áýe kúshteriniń aralǵa jaqyn jerde birneshe ret jasaǵan mısıasyna shaǵymdanyp keledi.

Qytaı demokratıalyq Taıvandy "Beıjińnen bólingen provınsıa" dep sanaıdy, biraq Taıvan ózin egemendi memleket retinde kóredi.

Taıvan qorǵanys mınıstrligi Qytaı áýe kúshteriniń jeksenbi kúngi mısıasyna ıadrolyq qarýdy, sondaı-aq súńgýir kemege qarsy ushaqty tasymaldaı alatyn tórt H-6 bombalaýshy ushaǵy qatysqanyn habarlady.

BBC aqparatynsha, Taıvan tarapy qytaılyq ushaqtarǵa eskertý jasaý úshin zymyrandyq júıeler ornalastyrǵanyn jáne jaýyngerlik ushaqtar jibergenin málimdegen.

Al, Qytaı jaǵy áli resmı túrde túsinikteme bergen joq.