Memleket basshysynyń "jurtqa jaqyn polısıa" qaǵıdatyndaǵy ýchaskelik polısıa ınspektorlaryna júkteletin mindet – turǵyndarǵa jaqyndaı túsý, olar úshin qoljetimdi bolý, azamattardyń quqyqtaryn qorǵaı bilý.

QR İshki ister mınıstriniń birqatar tapsyrmalaryn oryndaý maqsatynda, bıyl el táýelsizdiginiń 30 jyldyǵy aıasynda Beıneý aýylynda aýdandyq polısıa bóliminiń №5 ýchaskelik polısıa pýnkti ashyldy. 

Bul sharaǵa Mańǵystaý oblysy Polısıa departamenti bastyǵynyń orynbasary polısıa polkovnıgi Aqshaýov Bolatbek Ysqaquly, aýdan ákimi Ábilov Beıneýbek Kóńilimqosuly, aýdandyq máslıhat hatshysy Mansýrov Qýan Orynbasaruly, "Nur Otan" partıasy Beıneý aýdandyq fılıaly tóraǵasynyń birinshi orynbasary Jolyshov Turaly Botaqarauly, aýdandyq polısıa bóliminiń bastyǵy polısıa polkovnıgi Jumaǵalı Bóken Begeruly, aýdandyq mádenıet, dene shynyqtyrý jáne sport bóliminiń basshysy Bojanov Yntymaq Demokratuly qatysty.

Ýchaskelik pýnkt "Nur Otan" partıasynyń saılaý aldy baǵdarlamasynyń jol kartasy negizinde ashylyp otyr. 

Sonymen qatar bul jerde qyzmet etetin ýchaskelik polısıa ınspektoryna jańa qyzmettik kólik pen turǵyn jaı páteriniń kilti tabys etildi. 

Shara sońynda ýchaskelik pýnkt aýlasyna aǵashtar otyrǵyzyldy. 

BEINEÝ AÝDANY ÁKİMİNİŃ BASPASÓZ QYZMETİ