Aýyr jumys isteıtin jumysshylar endi 55 jastan zeınetke shyǵa alady. Bul týraly «Qamshy» portaly «Nur Otan» partıasynyń Ortalyq apparatynda Eńbek Kodeksi jobasyn talqylaý barysynda Densaýlyq saqtaý jáne áleýmettik damý mınıstri Tamara Dúısenovanyń sózine súıene otyryp habarlaıdy.
«Qazaqstanda zeınetaqy týraly zań 2010 jyly alǵash ret qabyldanǵan. Al, 2014 jyly zańǵa ózgerister men tolyqtyrýlar engizildi. Soǵan sáıkes, buryn eńbek azamattary eńbekaqy esebinen 10 paıyz ǵana jarna tólep otyratyn. Endigi kezekte aýyr jumys isteıtin azamattarǵa jumys berýshiler qosymsha taǵy 5 paıyz tóleıtin bolady. Demek, bıyldan bastap aýyr jumys isteıtin jumysshylarǵa 15 paıyz jarna tólenip, olar 55 jasynda zeınetke shyǵýǵa múmkindik alatyn bolady»,-dedi Tamara Dúısenova.
