Qurmetti mańǵystaýlyqtar!
Almaty. Qamshy portaly - Barshańyzdy kúlli musylman álemi úshin ulyq mereke – Qurban aıt meıramymen shyn júrekten quttyqtaımyn!
Qurban Aıt – musylman qaýymnyń bir-birine izgi tilekterin joldap, rızyq-nesibesimen bólisetin, meıirimdilik pen ádildik tárizdi joǵary rýhanı qundylyqtardy nasıhattaıtyn qasıetti meıram. Bul kúnderi ár musylman otbasy Jaratqannyń jolyna qurbandyq shalyp, ata-babanyń rýhyna Quran baǵyshtaıdy.
Táýelsizdik alǵaly Elbasymyzdyń qoldaýymen bul mereke memlekettik deńgeıde aıryqsha qýanyshpen, erekshe iltıpatpen atalyp keledi.
Búginde Elbasy N.Á.Nazarbaevtyń júrgizip otyrǵan syndarly saıasatynyń arqasynda, elimizde dinder men mádenıetterdiń sanqılylyǵyna qaramastan, qazaqstandyqtar arasynda syılastyq pen senimdilik qatynastary damýda. Bıyl Qazaqstan halqy Assambleıasynyń 20 jyldyǵynyń joǵary deńgeıde atap ótilýi osynyń aıqyn bir dáleli.
Qadirli jerlester!
Qasıetti Qurban aıt júregimizge qýanysh uıalatyp, rýhanı tazalyǵymyzdyń sebepshisi bolsyn. Elimiz aman, jurtymyz tynysh, birligimiz bekem, baýyrymyz bútin bolsyn! Alla taǵala barshamyzdyń aıttan aıtqa aman jetýimizdi jazsyn.
Qurban Aıt merekesi qutty bolsyn!
Qurmetpen, Mańǵystaý oblysynyń ákimi A.Aıdarbaev
