Almaty. Qamshy portaly - Búgin Mańǵystaý oblysynyń ákimi Alık Aıdarbaev “Mereıli otbasy” ulttyq baıqaýdyń jeńimpazdary Qulsarıevter otbasymen kezdesip, olardy memleket Basshysy taǵaıyndaǵan “Mereıli otbasy” ulttyq baıqaýyndaǵy jeńisterimen quttyqtady.
- Oryn aǵa jáne Juldyz apa, Sizderdiń shańyraqtaryńyzdaǵy qundylyqtar, tárbıeleýdiń dástúrliligi barlyq elimiz úshin neke ınstıtýtynyń jaqsy jaqtaryn nasıhattaıtyn baqytty úlgili otbasynyń úlgisi bola bildi. Sizder 12 balany, 46 nemere men 41 shóbereni patrıotızm, Otanynyń bolashaqta gúldenýi men aman-saýlyǵy úshin jaýapkershilik rýhynda tárbıeledińiz. Sizderdiń “Mereıli otbasy” ulttyq baıqaýyndaǵy jeńisterińiz barlyq Mańǵystaý oblysynyń jetistigi bolyp tabylady, - dep atap ótti aımaq basshysy Alık Aıdarbaev.
Budan soń, Alık Aıdarbaev otbasynyń otaǵasy Oǵyn Qulsarıevke “Qazaq handyǵyna 550 jyl” mereıtoılyq tósbelgisin tapsyrdy.
Mańǵystaý oblysynyń Ákiminiń baspasóz habarshysy
