Almaty. Qamshy portaly - Bul týraly QR Prezıdenti janyndaǵy Ortalyq Komýnıkasıalar Qyzmetiniń Mańǵystaý fılıalynda ótken brıfıń barysynda Mańǵystaý oblysy İshki ister basqarmasy krımınaldyq polısıasynyń basshysy Mels Djýsýpov habarlady.
- Men Mańǵystaý oblysy ishki ister basqarmasyna balalardyń joǵalýy týraly aryzdardyń kelip túspegeni jaıly resmı túrde habarlaǵym keledi. Áleýmettik jelilerde taratylyp otyrǵan qyz balanyń ózin mashınaǵa otyrǵyzbaqshy bolǵan er adamdar jaıly aıtqan áńgimesi jazylǵan beınerolıkterge keletin bolsaq, biz rolıkke túsirilgen qyz bala men onyń ata-anasyn izdep taptyq. Qyz balanyń sózderin rastamaǵan egde er adamdy, ıaǵnı kýágerdi de taptyq, - dep habarlady Mels Djýsýpov.
Onyń sózine qaraǵanda, kórineý jalǵan málimet taratqan tulǵalardy izdestirý jumystary júrgizilýde. QR Qylmystyq Kodeksiniń 419 babyna “Qylmys jasalǵany týraly kórineý jalǵan sóz jetkizý” sáıkes, olarǵa aıyppul salý nemese túzetý ne qoǵamdyq jumystar túrindegi jazaǵa tartylady.
- Aımaqtyń ár mektebinde jasóspirimdermen jumys boıynsha ınspektor kezekshilik atqarady. Basqarmanyń jedel toby turaqty ázirlik jaǵdaıynda. Mektepterdegi sabaqtar sabaq kestesine saı júrgiziledi. Óz tarapymnan ata-analar men balalarǵa qarapaıym qaýipsizdik erejelerin saqtaýdy eskertkim keledi, - dep atap aıtty Mańǵystaý oblysy İshki ister basqarmasy krımınaldyq polısıasynyń basshysy Mels Djýsýpov.
Mangystau Online aqparattyq ortalyǵy
