Almaty. Qamshy portaly - 18  qyrkúıek  kúni  Aqtaý qalasynyń 52 jyldyǵy qarsańynda, qala ákimi Serikbaı Trumov jáne Mańǵystaý oblysy ákiminiń orynbasary Baný Nurǵazıevanyń qatysýymen qalalyq «Jastar ortalyǵy» ǵımaratynyń ashylýy ótti.

Qala basshysy ǵımarattyń kúrdeli qurylys jumystarynan keıin qaıta ashylǵanymen quttyqtap, jańa ǵımarattyń lentasyn qıýǵa «Bolashaq» kolejiniń stýdentterine tabystady.

Shahar jastarynyń basyn qosatyn bul ortalyq 2001 jyldan beri oblystyq «Arman» jastar ortalyǵy bolyp ashylyp jumys atqarǵan bolatyn, alaıda burynǵy ǵımarattyń tozyǵy jetip, jastardy qoldaý, olarǵa yńǵaıly jaǵdaı jasaý úshin 2013 jyly jańa ǵımaratqa joba jasaqtalyp, atalǵan nysannyń qurylys jumystaryn júrgizýge 204 mln. teńge bólingen bolatyn.

Qazirgi jańadan ashylǵan ortalyqta 32 kabınet, konferens zaly, merekelik is-sharalardy ótkizýge arnalǵan akt zaly, jastardyń mýzykalyq bilimin damytýǵa yqpal etetin birneshe án stýdıalary ornalasqan jáne «Aqtaý qalalyq jastar ortalyǵy» mádenı-demalys kesheni» komýnaldyq memlekttik mekemesi, Mańǵystaý oblystyq jastar resýrstyq ortalyǵy jáne ár-túrli úkimettik emes uıymdardy bul ǵımaratqa ornyǵyp aqtaýlyq oqýshylardyń, stýdent jastardyń bastaryn biriktiretin jastar úıine aınalady,- dedi «Aqtaý qalalyq jastar ortalyǵy» mádenı-demalys kesheni» komýnaldyq memlekttik mekemesi dırektorynyń orynbasary Dáýlet Saǵyntaev.

 Sonymen qatar atalǵan ǵımaratta, balalardyń boıynda mýzykalyq-estetıkalyq tárbıeni jetildirý, olardyń sheberligin arttyrý, bı óneriniń keń aýqymda órbýine at salysý maqsatynda ár túrli úıirmelerde qyzmet atqaratyn bolady.

Aqtaý qalasy ákimdiginiń baspasóz qyzmeti.