Almaty. Qamshy portaly - 16 qyrkúıek kúni Aqtaý qalasynyń ákimi Serikbaı Trumov Iokogoma qalasynda ótken 13-shi Azıa chempıonatyna karate – dodan Qazaqstannyń qurama komandasynda óner kórsetken aqtaýlyq sportshylardy qabyldady.

Kezdesýge QR karate – do federasıasynyń vıse Prezıdenti Sársenbaı Abdýlaev, karate-dodan Qazaqstan qurama komandasynyń bas bapkeri – Parvız Mansýrov jáne Azıa chempıonatyna qatysqan aqtaýlyq sportshylar qatysty.

QR karate – do federasıasynyń vıse Prezıdenti Sársenbaı Abdýlaev:Hİİİ Azıa chempıonaty aıaqtalyp, Qazaqstan quramasy 3 altyn, 2 kúmis jáne 1 qola medaldardy ıemdenip, úzdik İİİ oryndy aldy. Qurama komandanyń bul jeńiske qol jetkizýine Aqtaý qalasy sportshylarynyń úlesi óte kóp. Atap aıtsam, 75 keli salmaqta Ermek Aınazarov Azıa chempıony atansa, Sabına Zaharova fınalda  jeńilip, ekinshi orynǵa ıe boldy, al, qolaly 3-shi oryndy Gaýhar Chaıkýzova ákeldi,- dep atap ótti.

Atalǵan kezdesýde qala basshysy Serikbaı Ótelgenuly sportshylardy  jetkizgen jetistiktermen quttyqtap, olarǵa alǵys hatpen baǵaly syılyqtar tabystady.

Aqtaý qalasy ákimdiginiń baspasóz qyzmeti.