Almaty. Qamshy portaly - 16 qyrkúıek kúni Aqtaýda 29 shaǵyn aýdanda ornalasqan №61 «Sultan» atty balabaqshanyń ashylý rásimi ótti.

Balabaqshanyń ashylý saltanatyna oblys ákiminiń orynbasary Baný Nurǵazıeva, Aqtaý qalasynyń ákimi Serikbaı Trumov qatysyp, ata-analar men búldirshinderdi quttyqtady.

Baǵdarlamaǵa sáıkes jańa ǵımarattyń lentasyn oblys ákiminiń orynbasary Baný Nurǵazıeva men balabaqsha qurylysyn júrgizgen merdiger mekemeniń basshysy Asqar Kerelbaev qıyp, qonaqtar balabaqsha ǵımaratymen tanysyp, tárbıelenýshilerdiń qýynysh tilekterin tyńdap, ónerlerin tamashalady.

Munda balalardyń tárbıesi úshin tolyq jaǵdaı jasalǵan, balabaqsha qajetti oqý-ádistemelik quraldarymen jabdyqtalǵan. Onda 11 topqa arnalǵan jatatyn jáne oınaıtyn, jýynatyn bólmeleri bar. Sondaı-aq, balabaqsha ózin-ózi taný, qazaq tili, ınformatıka, aǵylshyn jáne orys tilderi, beıneleý jáne án-saz kabınetimen, dene shynyqtyrý jáne tamaqtaný bólmesimen qamtylǵan. Balabaqsha 280 orynǵa eseptelgen. Onda 3-ten 6 jasqa deıingi balalar qabyldanady. Balabaqsha 55 adamdy jumyspen qamtıdy.

  Sondaı-aq, saltanatty sharada ata-analar Elbasy, óńir jáne qala basshylaryna óz rızashylyqtaryn bildirip, izgi tilek-nıetterin aıtty.

-  «Sultan» balabaqshasynyń ashylýy, bizdiń otbasy úshin qýanyshty kún. Sebebi, 2 nemeremdi osy balabaqshanyń tabaldyryǵyn attap jatyr. Balalar tárbıesine árdaıym kóńil bólip otyrǵan Elbasymyzdyń kemel saıasatynyń arqasynda, zamanaýı, keń balabaqshanyń ashylǵanyna biz óte qýanyshtymyz.  Ózimniń, turǵyndar atynan qalalyq ákimdikke kóp-kóp rahmetimdi aıtamyn,- dedi ata-ana Muńaıhan Túleýbaıqyzy.

Aqtaý qalasy ákimdiginiń baspasóz qyzmeti.