Shymkent qalasynyń ınvestısályq shtab otyrysynyń ekinshi bóliminde hattamalyq tapsyrmalardyń oryndalý barysy talqylandy. Ol boıynsha kásipkerlik jáne ındýstrıaldy-ıınovasıalyq damý basqarmasynyń basshysy Bereke Dúısebekov baıandama jasady.

Jalpy 126 hattamalyq tapsyrma berilgen. Búginde onyń 75-i oryndalsa, 51-i oryndalý satysynda. Atap aıtqanda, sáýlet, qala qurylysy jáne jer qatynastary basqarmasy tarapynan 79 tapsyrma, energetıka jáne komýnaldyq-sharýashylyq basqarmasy tarapynan 24 tapsyrma, Shymkent qalasynyń kásipkerler palatasy boıynsha 2 tapsyrama, qurylys basqarmasy tarapynan 1 tapsyrma, jolaýshylar kóligi jáne avtomobıl joldary basqarmasy tarapynan 1 tapsyrma, tabıǵı resýrstar jáne tabıǵat paıdalanýdy retteý basqarmasy tarapynan 1 tapsyrma oryndalý satysynda.

Odan bólek, M.Áıtenov aýdan ákimderine ınvestısıa tartý boıynsha berilgen ındıkatorlardyń oryndalýyna taldaý jasap, ár aýdanǵa jeke tapsyrmalar júktedi.

– Berilgen tapsyrmalardy sozbalańǵa salmaı, der kezinde oryndaý kerek. Búrokratıaǵa oryn joq. Bizdiń árbir isimiz barlyq salalarǵa áser etetinin umytpańyzdar. Máseleni jan-jaqty oılastyryp, ári úılestirip otyrýǵa mindettimiz- dedi qala basshysy.

Sondaı-aq, negizgi kapıtalǵa salynǵan ınvestısıa kólemi 201,1 mlrd teńgeni qurady. Onyń ishinde, 144,2 mlrd teńge jekemenshik ınvestısıa, 56,9 mlrd teńge memlekettik ınvestısıa. 2021 jyldyń qorytyndysy ınvestısıa kólemin 400 mlrd teńgege jetkizý josparlanǵan. Aılyq ındıkatorlardyń oryndarý barysyna qaraǵanda belgilengen mejege jetý múmkindigi tolyǵymen bar deýge bolady.