Ulybrıtanıanyń klımattyq daǵdarys boıynsha keńes berý tobynyń tóraǵasy Devıd Kıngtiń aıtýynsha, Ulybrıtanıanyń jaǵalaýdaǵy iri qalalary, onyń ishinde el astanasy Londonǵa qaýip tónip tur. Mamannyń pikirine sáıkes, teńiz deńgeıiniń kóterilýi bul qalalarǵa qater tóndiredi.

Ǵalym ǵalamdyq jylyný týraly alańdaýshylyǵyn aıta kelip, "eger Ulybrıtanıa klımattyq daǵdarystyń aldyn almasa, daýyl jáne sý tasqyny sıaqty tótenshe aýa raıynyń qaýpine ushyraýy múmkin" dedi.

Ol Brıtanıanyń araldaǵy el ekenin aıtyp, teńiz daýyldary jaǵalaýdaǵy aýdandarǵa tasqyn sý apatyn týǵyzatynyn eskertti. Sondyqtan Ulybrıtanıa astanasyn Londonnan basqa qalaǵa kóshirý mańyzdy ekenin jetkizdi. 

Sý deńgeıiniń kóterilýine negizinen muzdyqtardyń erýi men teńiz sýynyń jylynýy sebep bolady.

2019 jyly júrgizilgen zertteýler jahandyq ortasha teńiz deńgeıiniń 1994 jylǵy ortasha deńgeıden 3,4 dúım joǵary ekenin anyqtady.

"Bul (sý basý qaýpi - red) – Indonezıada qazirdiń ózinde bolyp jatyr, úkimet eldiń astanasyn bıik jerge kóshirip jatyr, óıtkeni Djakarta qazirdiń ózinde sý astynda qaldy. Djakarta kelesi 20-30 jylǵa deıin jaramsyz bolady" dedi ǵalym.