Bıyl elimizde qoı ústine boztorǵaı jumyrtqalaǵan qoı jyly Qazaq handyǵynyń-550 jyldyǵy, Uly Jeńistiń 70 jyldyǵy, Qazaqstan halyqtary Assambleıasynyń 20 jyldyǵy, egemen elimizdiń Ata Zańynyń qabyldanǵanyna-20 jyl sıaqty aıtýly merekeler elimizdiń aýmaǵynda saltanatpen toılanýda. Sonyń biri Qazaq handyǵynyń-550 jyldyǵy jáne elimizdiń Ata Zańynyń 20 jyldyǵyna oraı Beıneý aýdandyq murajaıda ótken bas qosý boldy. Bul týraly «Qamshy» portaly habarlaıdy.

Bul merekege aýdannyń ardagerleri, aýdan óńirindegi №51809 jáne 2087 áskerı bóliminiń áskerleri men ofıserleri, murajaı jáne aýdandyq ákimshilik qyzmetkerleri shaqyryldy. Bas qosýdy qysqasha sózben ashqan murajaı qyzmetkeri Bazarbıbi Hadısova quttyqtaý sóz kezegin aýdandyq dene shynyqtyrý jáne sport bóliminiń basshysy Jazylbek Myrzabekovke joldady. Onyń sońynan aýdandaǵy ardagerler, shekara sarbazdary, aýdan halqyn merekemen quttyqtady. Árbir quttyqtaý án-jyrmen kómkerildi. Murajaı dırektory Ǵ.Jumahanov aýdandaǵy soǵys ardagerlerine baǵaly syılyqtar jasady. Murajaı basshysy elimizdiń mártebesi men abyroıy arta berýin, halqymyzdyń birlikte, tatýlyqta, tynysh ómir súrýin tilep, lebiz bildirdi.

J. Nárenbaıuly, Beıneý selosy

Beıneý aýdandyq ákimdiginiń baspasóz qyzmeti

 «Qamshy» silteıdi