Múgedektik - búkilálemdik qaýymdastyq úshin medısınalyq - áleýmettik problemalardyń biri. Álemdik derekke súıensek, búginde múgedektigi bar jandar jer shary adamdarynyń 10 paıyzyn quraıdy eken. Ókinishke oraı, olardyń barlyǵy derlik qajetti áleýmettik  kómekti alyp, qoǵamnyń ómirine tolyqqandy qatysa almaıdy. Munyń sebebi  ártúrli toptaǵy múgedekter úshin qorshaǵan ortanyń qajetti deńgeıde  jaılylyǵyn qamtamasyz ete alatyndaı damymaǵanynda.

Qazirgi qoǵamnyń mindeti -  barlyq adamdar úshin, sonyń ishinde múmkindigi shekteýli azamattar úshin de qolaıly ortamen qamtamasyz etý jolynda qyzmettenýge qadamdar jasaý.

 Barlyq áleýmettik nysandar sıaqty, Halyqqa qyzmet kórsetý ortalyqtary da  múmkindigi shekteýli adamdardyń memlekettik qyzmetterdi alýǵa kelýi úshin yńǵaıly orta jasaýda. Olardyń kirip-shyǵýyn ońaılatý úshin pandýstar ornatylǵan. Birinshi jáne ekinshi toptaǵy múgedekter úshin  úıden qyzmet kórsetýge jaǵdaı jasalǵan. Buryn olarǵa qandaı da bolmasyn memlekettik qyzmet túrlerin alý úshin Halyqqa qyzmet kórsetý ortalyqtaryna ózderi kelip nemese basqa adamǵa notarıaldy kýálandyrylǵan senim hat berýge týra keletin. Bul árıne kóptegen qıynshylyqtar týǵyzatyn. Qazirgi ýaqytta bul sanattaǵy azamattar  Biryńǵaı  baılanys ortalyǵynyń «1414» nómirin terý arqyly qajetti qyzmetke tapsyrys bere alady. Ol úshin kez-kelgen mobıldi telefonnan tegin qońyraý shalý arqyly óziniń baılanys telefondary men qajetti aqparattardy qaldyrýy jetkilikti. Halyqqa qyzmet kórsetý ortalyqtarynyń qyzmetkerleri  sol baılanys nómirleri arqyly habarlasyp, qajetti qujattardy rásimdeý úshin tapsyrys berýshiniń úılerine baryp qyzmet kórsetedi.

Jańaózen  qalasy ákimdiginiń baspasóz qyzmeti.