1 qyrkúıek kúni qala ákimi Serikbaı Trumov №11 mamandandyrylǵan fızıka – matematıka mektebinde bolyp, oqýshylardy, ustazdardy jáne ata-analardy «1 qyrkúıek – bilim kúnimen» quttyqtady.

Merekeniń basy QR Gımnimen ashylyp, mektep dırektory bilim ordasynyń jetken jetistikteri jaıynda aqparat berip ótip, búgingi 1-shi synypqa kelgen oqýshylardy jáne kelesi jyly UBT tapsyratyn talapkerlerge sáttilik tilep, bıylǵy oqý jylymen quttyqtady.

Shara barysynda qala basshysy Serikbaı Trumov Elbasy N.Á.Nazarbaevtyń 1-shi synyp oqýyshylaryna syılaǵan «Meniń otanym –Qazaqstan» atty kitabyn tabystap, mereke sońy oqýshylardyń konserttik baǵdarlamasymen jalǵasty.

Aqtaýda bıylǵy jyly 1-shi synyptan 11-shi synypqa deıin 31985 bala oqıtyn 25 jalpy bilim beretin orta jáne 2 keshki mektepterde alǵashqy qońyraý soǵyldy, onyń ishinde 4200-ge jýyq bala 1-shi synyp oqýshylary.  

Bilim berý uıymdarynyń 2015-2016 oqý jylyna daıyndyǵy úshin jergilikti búdjetten 1 424,7 myń teńge bólindi. 1-shi synypqa keletin oqýshylardy mektep formasymen qamtamasyz etý úshin jergilikti búdjetten 23,146 myń teńge jáne 1-shi synyp oqýshylary men az qamtylǵan otbasy balalaryn kúnine bir ret tamaqpen qamtamasyz etý úshin 324,4 myń teńge qarajat bólindi. 

Aqtaý qalasy ákimdiginiń baspasóz qyzmeti.