Densaýlyq saqtaý mınıstri Alekseı Soı Qazaqstanda koronavırýstyń jańa túri "Eta" shtamy tirkelgenin málimdedi.

– Densaýlyq saqtaý mınıstrligi aǵymdaǵy jyldyń shilde-tamyz aılarynda KVI naýqastarynan alynǵan oń zerthanalyq úlgilerdi sekvenırleý ádisimen koronavırýstyq ınfeksıaǵa genetıkalyq zertteý júrgizdi.

Sekvenırleý qorytyndylary boıynsha Qazaqstanda 96 úlgide shtammdar aınalymy belgilengen (Delta "Úndi shtammy" - 57 (59,4%), Alpha "Brıtandyq" - 24 (25%), "Ýhan" koronavırýsy - 10 (10,4%) jáne eta "Nıgerıa" - 5 (5,2%)). Eta "Nıgerıa" shtammynyń aınalymy 4 óńirde aıqyndaldy (Qaraǵandy - 1, Mańǵystaý - 2, Pavlodar - 1, Nur-Sultan - 1), – dedi Soı.

Mınıstrdiń sózinshe, "Eta" shtammnyń paıda bolýy 2020 jyldyń jeltoqsanynda belgili bolyp, aýrýdyń alǵashqy jaǵdaılary Nıgerıa men Ulybrıtanıada anyqtalǵan.

– Dúnıejúzilik densaýlyq saqtaý uıymynyń 2021 jylǵy 15 qyrkúıektegi derekteri boıynsha "Eta" shtammy álemniń 77 elinde bólingen, DDU sanaty boıynsha "baqylaýdy" talap etetin shtammdarǵa jatady. Klınıkalyq belgileri Alpha (Brıtandyq) jáne Beta (Ońtústik Afrıka) shtamdary (joǵary qyzba, jótel, ıis pen dám joǵaltý, aýyr aýrý jáne t.b.) sıaqty, – dep aıtty mınıstr.