Qazaqstanda karantın sharalary jeńildeıdi. Bul týraly koronavırýstyń taralýyna jol bermeý jónindegi vedomstvoaralyq komısıa habarlady. 

Osyǵan baılanysty VAK birqatar sheshimder qabyldady:

• 27 qyrkúıekten bastap "Ashyq" boıynsha "qaýipsiz" mártebesi bar qyzmetkerler men kelýshilerdiń qatysýymen kelesi is-sharalardy ótkizýge ruqsat etiledi:
• 16 elmen áýe qatynasy jańartylady jáne ulǵaıady; (Reseı Federasıasy, Túrkıa, BAÁ, Ózbekstan, Germanıa, Maldıvy, Koreıa, Polsha, Vengrıa, Italıa, Chehıa, Shrı-Lanka, Qytaı, Saýd Arabıasy, Kýveıt, Ázirbaıjan).
• Juma namazy meshit ishinde oqylady.
• Qolaıly epıdemıologıalyq ahýaly jáne halyqty vaksınasıalaýdyń joǵary deńgeıi bar 30 shet memleketpen Qazaqstan Respýblıkasyna kirý úshin vızasyz rejım qaıta bastalady; (Italıa, Nıderlandy, Fransıa, Germanıa, Ispanıa, Japonıa, BAÁ, Saýd Arabıasy, Kýveıt, Polsha Danıa, Chılı, Vengrıa, Koreıa, Chehıa, Bahreın, Katar, Monako, Kıpr, Islandıa, Fınlándıa, Malta, Shvesıa, Portýgalıa, Lıhtenshteın, Slovakıa, Lúksembýrg, Kanada, Sıngapýr, Belgıa).
• Qazaqstanda saltanatty, este qalarlyq jáne otbasylyq is -sharalar ótkizýge ruqsat etiledi.

Arnaıy, merekelik jáne otbasylyq is -sharalardy ótkizýdegi talaptar:

• "qyzyl" aımaqtaǵy óńirler úshin – 50 paıyzǵa deıin, 50 orynnan aspaý qajet;
• "sary" aımaqta óńirler úshin – tolý deńgeıi 50 paıyzǵa deıin, biraq 70 orynnan aspaýy tıis;
• "jasyl" aımaqta óńirler úshin – 50 paıyzǵa deıin, 100 orynnan aspaıdy.

Densaýlyq saqtaý mınıstri Alekseı Soı eldegi epıdemıologıalyq jaǵdaı turaqtanǵanyn, sońǵy 2 aptada syrqattanýshylyq pen ólim-jitim deńgeıi 60 paıyzǵa tómendegenin aıtty.

Sondaı-aq, Eraly Toǵjanov vaksınasıaǵa qoljetimdilikti arttyrý maqsatynda ákimdikterge áýejaılarda, temirjol vokzaldarynda, iri bazarlar men saýda oryndarynda talaptarǵa sáıkes keletin pýnktter uıymdastyrýdy tapsyrdy.