Búgin Mańǵystaý aýdanynda tuńǵysh ret aýdandyq Jastar saıasaty ortalyǵy janynan balalar men jasóspirimderge arnalǵan «Zıatker» aýla klýby ashyldy. Klýbqa muryndyq bolǵan «Mańǵystaý aýdandyq jastar saıasaty ortalyǵy» memlekettik komýnaldyq mekemesi men aýdandyq bilim bólimi.
«Zıatker» aýla klýbynda balalar men jasóspirimderdiń demalýyna, densaýlyǵyn jaqsartýyna, shyǵarmashylyǵyn damytýǵa, sondaı-aq, olardyń qaraýsyz júrýiniń aldyn alý úshin barlyq jaǵdaılar jasalǵan. Klýbta úzdik mamandardyń jetekshiligimen shahmat, toǵyzqumalaq, shashki, doıby oıyndary boıynsha seksıalar jumys isteıdi.
Aıta keteıik, atalmysh klýb aýdan boıynsha tuńǵysh ret ashylyp, aýla klýby aýdanda turatyn balalar men jasóspirimder kezdesetin, shyǵarmashylyq ıdeıalaryn júzege asyratyn jáne demalys ortalyǵyna aınaldy. Jasóspirimder men jastar múddeli klýbtar mádenı is-sharalar men demalys uıymdastyrý arqyly olardy kóshedegi zıandy áserlerden qorǵaıdy. Aýla klýbyn ashýdyń maqsaty – demalysty uıymdastyrý, jastar men jasóspirimderdiń shyǵarmashylyq bastamalaryn qoldaý, jastar zıatkerligin damytý, salaýatty ómir saltyn nasıhattaý, jastardy halyq shyǵarmashylyǵyna tartý, mádenı - aǵartýshylyq is - sharalar ótkizý bolyp tabylady.
«Úsh aı saıyn jáne alty aı, toqsan saıyn jáne tipti jyl sońynda úzdik aýla klýb músheleri marapattalyp turatyn bolady. Ázirge Shetpe basyndaǵy orta mektepterden 70 -ke jýyq oqýshy jastar klýbqa qatysýǵa nıet bildirip otyr. Jyl saıyn klýb qabyrǵalarynda halyqtyń túrli toptarynan shyqqan myńdaǵan bala tegin tárbıelenip shyǵady: jetim, turmysy tómen otbasylardan shyqqan, devıantty balalar jáne t.b.» - deıdi klýb jetekshisi Álıa Seıtanazarova .
Mańǵystaý aýdany ákiminiń apparaty
«Qamshy» silteıdi
