Osyndaı taqyrypta búgin aýdandyq jastar saıasaty ortalyǵy jáne  Mańǵystaý tehnıkalyq koleji ákimshiliginiń uıymdastyrýymen  Mańǵystaý tehnıkalyq kolejinde patrıottyq basqosý jıyny bolyp ótti. Jıynǵa aýdandaǵy eńbek ardagerleri jáne belsendi jastar, «Kaspıısement» JSHS jas mamandary, kolej stýdentteri qatysty.Jıyndy ortalyq basshysy Allabergen Qonarbaev ashyp, jıynnyń maqsat mindetin  túsindirip, Eńbek kúniniń jastar úshin mańyzdylyǵyn aıtyp keńinen toqtaldy. Jastarmen kezdesýge eńbek ardagerleri Ómir Saǵyndyqov, Jumaǵul Selbaev, memlekettik qyzmet salada uzaq jyl boıy eńbek etken Jalǵas Japaqovtar qatysty. Sondaı aq jıynda ardagerler jastarǵa eńbeksúıgishtik  týraly  ózderiniń oı pikirlerin, alǵashqy tálimgerleri týraly ortaǵa saldy.  Jıynda jastar tarapynan «Kaspıısement» JSHS janyndaǵy Jastar isi jónindegi komıtet músheleri Turar Tileýhanov pen Marat Ernıazovtar sóz alyp, kazirgi qoǵam týraly onyń ishinde jumysshy jastar jaıynda pikirlerin aıtty.

«Búgingi jıyn keremet ótti. Men baıaǵy jastyq shaǵymdy esime túsirip kózime jas aldym. Patrıottyq baǵyttaǵy uıymdastyrylǵan Elbasynyń tapsyrmasyna oraı 100 naqty qadamyndaǵy  tapsyrmalardyń jastar  ómiri úshin mańyzy zor. Bir sózben aıtqanda «Eńbek bárin de jeńbek» deıdi dana halqymyz. Eńbek etem degen adamǵa kazir barlyq jaǵdaı jasaldy ǵoı. Sondyqtan jastardy tek qana eńbek etýge shaqyramyn.» deıdi eńbek ardageri Jumaǵul Selbaev.

Mańǵystaý aýdany ákiminiń apparaty

 «Qamshy» silteıdi