Búgin Qazaqstan Halqy assambleıasy «100 naqty qadam ult josparynyń 86, 87 qadamdaryn iske asyrý maqsatynda Qazaq handyǵynyń 550 jyldyǵyna arnalǵan «Uly Dala Eli» respýblıkalyq tarıhı - mádenı ekspedısıa qasıetti de, qadirli 87 jyldyq tarıhy bar qarashańyraq Mańǵystaý aýdanyna keldi. Bul ekspedısıanyń maqsaty - Qazaqstan halqynyń tarıhı mádenı jáne rýhanı murasyn oqyp úırený men nasıhattaý negizinde qazaqstandyqtardyń biregeıligi men ulttyq birligin nyǵaıtý bolyp tabylady.
Táýelsizdik alańynda ótken patrıottyq sharada sózdi aldymen aýdan ákimi J.Aıtýarov myrza alyp: «Bul aýdanda halyq jazýshysy Ábish Kekilbaev, qazaqtan shyqqan tuńǵysh jelaıaq Amın Tuıaqov, qazaq boksynyń atasy Shoqyr Bóltekuly, qazaq mıfologıasynyń biregeı tulǵasy Serikbol Qondybaı, ǵalymdar Bereket Jumalıev, Nun Jubaev, Mekerıa Atymovtar dúnıege kelgen qasıetti topyraqqa qosh keldińizder. Ár shańyraqqa qut-bereke, yrys pen yntymaq tileımin. El irgesi aman, keleshegimiz kemel bolsyn!» - dep tilegin arnady. Jıynda sondaı-aq «Uly dala eli» ekpsedısıasynyń múshesi Qazaqstan halqy assambleıasynyń oblystyq hatshylyq meńgerýshisi Gúljan Ismýrzına, aýdandyq ardagerler keńesiniń tóraǵasy Amanqos Ertileýov myrzalar sóz aldy.
Atalmysh sharada orys ultynyń ókili Fedotov Nıkolaı «Adaı» kúıin tartsa, assambleıa músheleri Akımhan Mızamedınov, Adılbaev Manas «Tastemirdiń ánin» jáne de basqa patrıottyq ánder shyrqady. Al shetpelik jastar Daryn Qosaı men Abdıeva Sahı da «Mańǵystaý», «Alǵa Qazaqstan» ánderin tamyljyta oryndady.
Ekspedısıa músheleri odan ári aýdandaǵy Aıraqty, Sherqala, Qyzylqala sekildi tarıhı mádenı oryndardy aralap, týǵan jerdiń tarıhymen keńinen tanysty.
Atalmysh jerlerdi aýdan meımandaryna jýrnalıs, jastar ortalyǵynyń basshysy A.Qonarbaev tanystyryp júrdi.
Mańǵystaý aýdany ákiminiń apparaty
«Qamshy» silteıdi
