Ótken aptanyń senbi kúni aýdan ortalyǵynda respýblıkalyq «Salaýatty ómir saltyn ustan» uranymen ótkiziletin Densaýlyq festıvaliniń uranymen “Densaýlyq festıvali-2015” sharasy ótti.
Sharanyń bir ereksheligi úsh jaqtan ıaǵnı «Darıa» mekemesinen jáne Ardagerler úıinen sondaı aq temir jol vokzalynan jas marafoynshylar «Salamatty qazaqstan» týyn ustap ortalyq kóshlermen júgirip kelip «Qazaqstan 2050» qıylysynda túıisip, respýblıkaǵa tanymal jas sportshylar, Qazaqstan chempıondary Erbolek Qudaıbergenov, Qaılybaev Azamat, Qonysov Qýandyqqa tabystady. Týy ustaǵan jastar odan ári ortalyq alańǵa qaraı bet alyp marafondy jalǵastyrdy. Atalmysh marafonǵa 150 sportshy jastar, medısınanyń jas mamandary men ustazdar qaýymy belsendilik tanytty. Ortalyq alańda olardy sporttyq kıim kıgen «Nur Otan» partıasy aýdandyq fılıaly, aýdan ákimdigi, aýdandyq jastar densaýlyq ortalyǵy men salaýatty ómir saltyn qalyptastyrý problemalary aýdandyq fılıaly, jastar saıasaty ortalyǵy sport jáne dene shynyqytyrý bólimi sekildi mekemelerdiń qyzmetkerleri joǵary kóńil kúımen qarsy aldy. Densaýlyq festıvaline qatysýshylar alańǵa kóp jınaldy. Jalpy sany myńǵa sportty janynna serik etken sportshy qaýym ortalyq alańda sap túzedi.
Qazaqstan Respýblıkasynyń Gımni oryndalyp, “Densaýlyq Festıvali-2015” saltanatty jıyndy aýdan ákimi J.Aıtýarov quttyqtaý sózben ashty.
– Elbasynyń jyl saıynǵy Joldaýlarynda qalyń eldiń salaýatty ómir saltyn ustanýy men sportpen shuǵyldanýyna aıryqsha kóńil bólinip keledi. Qoǵamnyń basty baılyǵy –adam bolsa, adamnyń basty baılyǵy-densaýlyq. Búgingi densaýlyq Festıvali kópshiliktiń salaýatty ómir saltyn ustanýyna bastaıdy,-dedi aýdan ákimi. Densaýlyq aksıasy barysynda ótken gımnastıkalyq bıler, qol kúresi, arqan tartý, gir kóterý, sıaqty sporttyq oıyndar uıymdastyrldy.
Arqan tartý saısynda qyzdar arasynda júldeli 1 oryndy B.Jumalıev atyndaǵy orta mektepiń ustazdary men oqýshylarynan quralǵan «Bereket jastary» komandasy, al ekinshi oryndy ortalyq aýrýhananyń «Abzal jandar» komandasy, al úshinshi oryndy A.Mendalyuly atyndaǵy orta mekteptiń «Alshyn asýlary» komandasy mise tutsa, erler arasynda arqan tartýdan 1 oryndy N.Jubaev atyndaǵy orta mekteptiń «Nun shamshyraqtary» komandasy, 2 oryndy A.Mendalyuly atyndaǵy orta mekteptiń «Alshyn jigitteri» komandasy, al 3 oryndy Shetpe gımnazıasynyń «Gımnazıa barystary» ıelendi. Al gir tasyn kóterýden erler arasynda júldeli 1 oryndy Qanash Serikbolsyn, 2 oryndy Sısenǵalıev Nursultan, 3 oryndy Asqar Azıdolla ıelense, qol kúresten qyzdar arasynda júldeli birinshi oryndy Zoıa Mirkibaeva, ekinshi oryndy aýrýhana qyzmetkeri Oryngýl Muqanova, úshinshi oryndy Aısulý Abdýllaeva ıelendi. Barlyq júldegerlerge oblystyq salaýatty ómir saltyn qlaptastyrý ortalyǵy, jastar saıasaty ortlaǵy jánesport bólimi atynan syılyqtar tabystaldy.
Adam densaýlyǵyna baılanysty aksıanyń óz deńgeıinde ótýine aýdandyq Sh.Bóltekuly atyndaǵy sport kesheni men mádenıet úıiniń kórkemónerpazdarynyń qosqan úlesi zor boldy.
«Búgingi sharaǵa 700 den astam jastar qatysty. Bul kórsetkish jastar densaýlyǵyn arttyrýda mańyzdy boldy. Óıtkeni jylyna bir aq ret bolatyn salaýattylyq sharasy densaýlyqtyń qadirin uǵyndyryp túsindirgendeı boldy. Sporttyq is sharada arqan tartý, qol kúresi, marafon, gir tasyn kóterý baıqaýlaryna óz basym belsendi qatystym. Búginnen bastap ózim endi tańerteń kúnde júgirýdi maqsat etip otyrmyn. Men osylaısha Elbasynyń saıasatyna súbeli úlesimdi qospaqpyn» deıdi Sh.Bóltekuly atyndaǵy sport kesheni dırektorynyń oqý isi jónindegi orynbasary Amanjol Muhamedjanov.
Mańǵystaý aýdany ákiminiń apparaty
«Qamshy» silteıdi
