Búgin, 23 qyrkúıek, oblys ákimi Beıbit Atamqulov jumys saparymen Saıram aýdanynda boldy. Aýdannyń tynys-tirshiligimen tanysqan aımaq basshysy aldymen, Aqsýkent aýylyndaǵy tozyǵy jetken «Maqataev» jalpy orta mektebiniń jaǵdaıymen de tanysty.

Atalǵan bilim uıasy 1964 jyly balabaqsha bolyp ashylyp, 1990 jyldardan beri yńǵaılastyrylǵan mektep retinde jumysyn jalǵastyryp kelgen. Búginde 400 bala oqýy tıis mektepte 800 bala bilim alýda. Osy máselemen tanysqan oblys basshysy aldaǵy ýaqytta bul jaıtty keńinen qarap,jańa ǵımarat salýǵa búdjet qarastyrýdy tapsyrdy.

Ótken jyly aýdanda bes mektep salynyp, paıdalanýǵa berilse, bıyl 3 bilim oshaǵy ashyldy. Al osy jyly tórt mekteptiń qurylysy júrýde. Aıta keterligi, mektep nysandarynyń qurylysyn jergilikti búdjetten salýǵa qaýqarly aýdandardyń biri.

Esterińizde bolsa, QR Bilim jáne ǵylym mınıstri Qazaqstandaǵy apatty jaǵdaıdaǵy mektepter 3-4 jyldyń ishinde joıylady degen bolatyn.

– Bizdiń elimizde búgingi tańda jyl saıyn júzden astam sý jańa mektepter paıdalanýǵa berilip jatady. Mundaı jobalarǵa memleket tikeleı aralasyp qarjy bólinip, arnaıy baǵdarlamalar aıasynda oıdaǵydaı iske asyrylyp keledi. Tap osy qarqynmen júrip otyratyn bolsaq, aldaǵy 3-5 jyl ishinde biz respýblıkamyzdaǵy mektepterge túrli deńgeıli jóndeý jumystaryn júrgizý jaıyn birjaqty sheshetin bolamyz. Sonyń ishinde erekshe atap aıtarym, apatty jaǵdaıdaǵy mektepterdiń máselesi túpkilikti sheshiletin bolady, – dedi Aslan Bákenuly óz sózinde. 

OQO ákiminiń baspasóz qyzmeti