Úndistannyń ońtústigindegi Kerala provınsıasynda sý tasqynynan 24 adam qaza tapty. Qaza tapqandardyń arasynda bes bala bar ekeni habarlandy. "Kóptegen adamdar iz-tússiz joǵalyp ketkendikten, ólim sany artýy múmkin" dep málimdedi jergilikti BAQ.

Aımaqta túsirilgen vıdeodan avtobýs jolaýshylarynyń tasqyn sýdan qutqarylyp jatqanyn kórýge bolady.

"Kottaıam jáne Idýkkı eń kóp zardap shekken eki aýdan. Nóserli jaýyn-shashyn adam ólimine ákeletin apatty týdyrdy" dep jazdy jergilikti basylymdar.

Sheneýnikterdiń habarlaýynsha, áskerı kerekti zattar men qyzmetkerlerdi jetkizý úshin daǵdarys bolǵan aımaqtarǵa tikushaqtar jiberiledi. 

Myńdaǵan adam evakýasıalanǵan jáne 100-den astam kómek lagerleri qurylǵan.